كم عطيتك وش تبي أكثر .. مبتعد والشوق بـي أثـر
وأنت أغلى من نظر عيني .. لا تعاند وأرجع استغفـر
شوق قلبي وأنت تدري به .. فالهوى لازم تداري بـه
ما يجوز الصد و الغيبـه .. دام حبك دوم بـي يكبـر
سامعني شورك ولا جادل .. كنت ظالم أو معي عـادل
دام معنا الحـب متبـادل .. كل ما تأمر أقول أبشـر
قول آمر سمعن وطاعـه .. يا بعد هالقلب وأوجاعـه
خذ خفوقي عندك وداعـه .. عالجفى هالقلب ما يقـدر
فدوتك هالروح وعيونـي .. لي غلاك مسبب جنونـي
كـم عذالـي يلومونـي .. ما دروبي عنك ما أصبر
الهوى دربه من دروبـي .. وأنت بين الناس محبوبي
أنت عمري وأنت مطلوبي .. وش تبي مني بعد أكثـر
